ŞİRKƏT HAQQINDA MƏLUMAT

Kercom logo (1)_1.png

Kercom (www.kercom.az) şirkəti hal-hazırda bal və arıçılıq məhsullarının istehsalı və satışı ilə məşğuldur. 2015-ci ildən başlayaraq şirkət bazarda Mr.Bee brendi ilə təmsil olunur.

İstehsal fəaliyyətimiz bazara geniş çeşiddə həm bal, həm də arıçılıq məhsullarının təklif edilməsinə imkan yaradır. Bal məhsullarına geniş yayılmış növlərlə yanaşı (Cökə, Dağ, May və s.), nadir bal növləri də (Şabalıd, Yemişan, Sarmaşıq, Kəklikotu və s.) daxildir. Arıçılıq məhsulları cərgəsinə isə Arı südü, Vərəmum (Propolis), Çiçək tozu və digər məhsullar daxildir.

Mr.Bee bal və arıçılıq məhsulları Azərbaycanın şimal-qərb rayonlarından toplanır. Şirkətin, həmçinin Abşeron yarımadasında qablaşdırma müəssisəsi mövcuddur.

Kercom şirkəti, eyni zamanda yerli supermarket şəbəkələrində də satış nöqtələrini genişləndirməkdədir (Araz, Spar, Bravo, Fresco, Rahat, Port Baku Bazar, Bazarstore, Happy, Ailə Supermarketlər Şəbəkəsi və Safa Supermarket). Hazırda ümumilikdə 70-ə yaxın satış nöqtəmiz var.

Şirkətin arıçılıq fəaliyyətinin əsas prinsipləri olaraq keyfiyyət və təbiiliyi xüsusilə qeyd etmək istərdik. Bu istiqamətdə əldə olunmuş müxtəlif keyfiyyət sertifikatları (Uyğunluq və Gigiyenik sertifikatları) və laboratoriya analizləri mövcuddur. Tərəfimizdən ixrac əməliyyatlarının həyata keçirilməsi məhsullarımızın keyfiyyətli olmasının başlıca göstəricisidir.

Kercom MMC ölkəmizin xarici ixrac potensialının genişləndirilməsi, “Made in Azerbaijan” brendinin təşviqi istiqamətində həyata keçirilən layihələrdə yaxından iştirak edir. Qeyd edək ki, brendimiz “East Invest-2”, “Ready to Export”, “4th Eastern Partnership Business Forum” layihələrində, həmçinin "Gulfood - 2017", "International Green Week - 2017" sərgilərində böyük maraqla qarşılanmışdır.